Мен тұратын жердің аты – Сағыныш,
Сен тұратын елдің аты – Махаббат.
Мені өсірген жердің аты – Мейірім,
Сені өсірген елдің аты – Шапағат.
Сен оқыған кітап аты – Балалық,
Мен оқыған жырдың аты – Сұлулық,
Сен жазатын кітап аты – Жақсылық,
Мен жазатын жырдың аты – Жылылық.
Мен тыңдаған күйдің аты – «Ақжауын»,
Сен тыңдаған әннің аты – «Самалтау»,
Мен шығарар күйдің аты – Тыныштық,
Сен шығарар әннің аты – Жанартау.
Бағалау үшін жұлдызшаны басыңыз!
5 / 5. Дауыс саны: 1