Маулина Нұргүл Хасанқызы

Көңілің – көмбе, сақтаған іште шын сырын,
Аяқтай сырлы кетсе де сырың, тұр сының.
Түсімде көрдім: ұстап тұр екем аялап
Алақанымда анамның аппақ ұршығын!

Кеудеме бір керемет күй құлады,
Сезімді сипап өтіп ұйқыдағы...
Жанымның жазиралы жайлауында
Ақ орда алты қанат үй тұрады.

Бекер-ді
Түнектен түскен жарық ем,
Жырыма қосқан шекерді
Шашудан теріп алып ем.

Әр кеудеде айтпаған ән бар ұлы
Естелік бар дәмі бал, арда мұңы
Еркелік бар жүргізген ханға әмірін
Кеудесінде білтелі шам жарығы!