Жан ішінде жарық нұр,
Жан ішінде – рақат!
Жаннан шықса жарық нұр –
Бір апат…
Жан ішінде тажал жоқ,
Жан ішінде – көк өрім.
Жан ішінде ажал жоқ,
Жан ішінде жоқ өлім!
Тіршілігі – Тыныштық,
«Өмір!» – оның ұраны.
Тамырында бір ыстық
Лүпіл қағып тұрады!
Жан ішінде жоқ қайғы,
Жан ішінде жоқ шеңбер.
Өзін іздеп таппайды
Жаннан безіп кеткендер…
Бағалау үшін жұлдызшаны басыңыз!
3.8 / 5. Дауыс саны: 4
Керемет